Bu gün Sumqayıt şəhər Mərkəzi uşaq kitabxanasını və Gənclər kitabxanasının təşkilatçılığı ilə səyyar kitabxana xidməti təşkil edilib.
Sumqayıt Mərkəzi uşaq kitabxanası və Gənclər kitabxanasının əməkdaşları Sumqayıtdakı Laçın rayonunın 5 saylı tam orta məktəbində səyyar kitabxana xidmətini təqdim ediblər. Səyyar kitabxana xidmətinin həyata keçirilməsində əsas məqsəd kitabxana xidmətindən uzaq düşmüş qaçqın və məcburi köçkünlərin məskunlaşdığı ərazilərdə yeniyetmə və uşaqlara səyyar kitabxanaların təşkil edilməsi və gənc nəslin kitabxanalara cəlb edilməsidir.

Kitabxanalar tarixə, milli-mənəvi dəyərlərimizə, bədii ədəbiyyatımıza, mədəniyyətimizə və xalq ədəbiyyatımıza, uşaq hüquqlarına dair 100-dən çox kitabı nümayiş etdirib və oxucuları kitabxanaya abunə edərək istədikləri ədəbiyyatlar ilə onları təmin ediblər.

Xeberle.com