Bu gün Sumqayıt Şəhər Mədəniyyət Evində şair, qəzəlxan Əliağa Vahidin 120 illiyi münasibətilə tədbir keçirilib. Tədbirdə mədəniyyət evinin "Zəlimxarə” ansamblının ifasında "Humayun”, solistlər Günay Sadıqovanın, Gülcənnət Həmzəyevanın, Əfraz Məmmədovun, Zaur Yusiflinin, Tünzalə Məmmədovanın, Mehman Əhmədovun ifasında Azərbaycan xalq və bəstəkar mahnıları, meyxanaçı Ədalət Dağlının ifasında Əliağa Vahidi vəsf edən meyxana, bədii qiraət dərnəyinin üzvü Samir Soliyevin ifasında "Küsmə məndən” şeri tamaşaçılar tərəfindən maraqla qarşılanıb.

O cümlədən, Əliağa Vahidin yazıçı Hüseyn Abbaszadə, professor Həmid Məmmədzadə ilə ilə görüşünü əks etdirən səhnələr tədbirə əlavə rəng qatıb.

Tədbirin sonunda Sumqayıt Mədəniyyət və Turizm idarəsinin rəisi Mehman Şükürov çıxış edərək tədbirdə zəhməti keçən hər kəsə öz təşəkkürü bildirib.
O, qeyd edib ki, belə tədbirlərin keçirilməsində məqsəd şəhərimizdə olan istedadlı insanların axtarılıb üzə çıxarılması məqsədini daşıyır. Biz öz işimizi istedadlı, bacarıqlı insanlarla, bədii rəhbərlərlə qurmalıyıq.

Sonda tamaşaçılar S.Vurğun adına Mərkəzi kitabxananın uşaq şöbəsi tərəfindən təşkil edilmiş şair, qəzəlxan Əliağa Vahidin əsərlərini özündə əks etdirən kitab sərgisi ilə tanış olublar.
Xeberle.com