Bakıda Muzey mərkəzində Mədəniyyət və Turizm Nazirliyinin təşkilatçılığıı ilə uşaq incəsənət və rəssamlıq məktəbləri, mərkəzləri, rəsm studiyaları şagirdlərinin əl işlərindən ibarət "İslam sivilizasiyası uşaqların gözü ilə” mövzusunda müsabiqə keçirilib.

Paytaxtda keçirilən Təhsil, Elm və Mədəniyyət Təşkilatı (İSESCO) İcrayyə Şurasının 36-cı iclasının iştirakçıları sərgi ilə yaxından tanış olublar.

Mədəniyyət və Turizm naziri Əbülfəs Qarayev münsiflər heyəti tərəfindən müəyyənləşdirilmiş qaliblər və fərqlənən fırça ustalarını mükafatlandırıb. Bu müsabiqədə Sumqayıt şəhər Bülbül adına uşaq incəsənət məktəbinin 50 ədəd əl işləri nümayiş etdirilib. Qalib olan 22 rəsm işi arasında Sumqayıt şagirdlərinin də əl işləri də var.

Belə ki, Sumqayıt şəhər Bülbül adına Uşaq İncəsənət məktəbinin şagirdləri Sübhanə Məmmədli II, Mələk Ramazanova, Vüsal Qafarov III dərəcəli diplomlarla, Murad Həsənov həvəsləndirici Fəxri fərmana layiq görülüblər.