Dostumuz, həmkarımız Oqtay Cəmilovun qəfil ölümü hər birimizi dərindən sarsıtdı.

Cəmilov Oqtay Cəmil oğlu 29 oktyabr 1955-ci ildə İsmayıllı rayonunda anadan olmuşdu.

1980-1985-ci illərdə M.Əliyev adına Azərbaycan Dövlət İncəsənət İnstitutunun Mədəni-maarif işi fakültəsini bitirərək Klub işinin təşkilatçı metodisti ixtisasına yiyələnmişdi.

Mədəniyyət sahəsində müxtəlif vəzifələrdə çalışmış O.Cəmilov 2004-2007-ci illərdə "Energetik”, 2007-2008 ci illərdə C.Cabbarlı adına mədəniyyət evlərində direktor, vəzifəsində çalışmışdı.

2008-ci ildən 6 saylı şəhər klubunun müdiri vəzifəsində çalışırdı.

Daim şən zarafatları, xoş ünsiyyəti ilə hər kəsdə pozitiv əhval-ruhiyyə yaradan Oqtay müəllim mədəniyyət işçiləri tərəfindən hər zaman sevgi ilə xatırlanacaq.

Kollektivimiz adından mərhumun ailəsinə və yaxınlarına dərin hüznlə başsaqlığı veririk. Allah rəhmət eləsin!

Sumqayıt şəhər Mədəniyyət və Turizm idarəsinin mətbuat xidməti