Bu gün C.Cabbarlı adına mədəniyyət evində 31 dekabr Dünya Azərbaycanlılarının Həmrəyliyi günü və yeni il münasibətilə bayram şənliyi keçirilib. Sumqayıt şəhər Mədəniyyət və Turizm idarəsinin mətbuat xidmətindən Xeberle.com-a verilən məlumata görə şənlikdə mədəniyyət evinin "Turan” rəqs qrupunun çıxışı, xalq çalğı alətləri ansamblının müşayiəti ilə müğənnilərin ifasında bəstəkar və xalq mahnıları maraqla izlənilib. O cümlədən, şənliyin atributu olan Şaxta baba və Qar qızın gəlişi, keçirdikləri maraqlı oyunlar uşaqların sevincinə səbəb olub.

Şənliyin sonunda mədəniyyət evi tərəfindən il ərzində keçirilən tədbirlərdə fərqlənən özfəaliyyət kollektivlərinin üzvləri fəxri fərmanla təltif edilib, şənliyə qatılan uşaqlara yeni il hədiyyələri təqdim olunub.