Azərbaycan
Respublikasının Prezidenti yanında Gənclər Fondunun maliyyə dəstəyilə Vasif Musayev tərəfindən Quba rayonunda həyata keçirilən"Milli mədəni irsimiz olan xalçaçılıq sənətinin
qorunması” layihəsi çərçivəsində ilk sərgi keçirilmişdir.
Sərgi Quba Ticarət Yarmarkasında təşkil
olunmuşdur.
Sərgini
giriş sözü ilə layihə rəhbəri Vasif Musayev açaraq layihənin donoru
olan Gənclər Fondu və onun yaranmasından, həyata keçirilən layihənin məqsədindən
danışmışdır. Vasif Musayev layihənin 7 xalçaçılıq məktəbindən biri olan Quba
rayonunda icrasını xüsusi olaraq vurğulamışdır. Layihə rəhbəri Azərbaycan
xalçalarının Dünya mədəniyyətinə təsirini artırmaq üçün və dünyada Azərbaycan
xalçası kimi təmsil olunması üçün xalçaçılıq sənətinin qorunmasına ehtiyac
olduğunu qeyd etmişdir.
Sonra
çıxış edən ekspert Azərbaycan xalçalarının
dünyada tanınmasından və bu sənətin ölkəmizdə hələ də yaşadılmasından, Azərbaycan xalçalarınınHeydər Əliyev Fondunun prezidenti Mehriban
xanım Əliyevanın təşəbbüsü ilə 2010-cu ilin noyabr ayında UNESCO-nun
"Qeyri-maddi
Mədəni İrs"
siyahısına salınmasından danışmışdır.
Ekspert sərgidə nümayiş olunan Quba xalçalarının ən parlaq
kompozisiyaları "Qədim-Minarə xalçası",
"Qımıl xalçası",
"Alpan xalçası",
"Qollu-çiçi xalçası",
"Pirəbədil xalçası", "Hacıqayıb xalçası",
"Qırız xalçası",
"Cek xalçası" və digəriləri haqqında geniş məlumat
vermişdir.
Tədbirdə iştirak edənlərin sualları
ekspert tərəfindən cavablandırılmışdır.
Sonda tədbir iştirakçılarına layihə
çərçivəsində hazırlanan bukletlər paylanılmışdır.
Xəbərdən istifadə edərkən istinad etmək vacibdir.
