Sumqayıt şəhər 6 saylı folklor klubunda Laçın rayonunun işğalının24-cü ildönümünə həsr olunmuş tematik gecə keçirilib.
Tədbiri 39 saylı orta məktəbin tarix müəllimi Nicat Həbibov açaraq Laçın rayonunun işğalı haqqında ümumi məlumat verib, mühazirə oxuyub. Daha sonra tədbir iştirakçıları, Rafael Laçınlı, Ibrahim İlyasli, Asif Asiman, Elburus Qayalı çıxış edərək erməni məkri, onların Azərbaycana vurduğu zərbələr, xalqımıza yaşatdığı faciələr haqqında fikirlərini bildiriblər.

M.Ə.Sabir adına kitabxananın fəal oxuyucularının ifasında vətənə həsr olunmuş şeirlər, F.Əmirov adına 5 saylı uşaq musiqi məktəbinin müəllimləri Məlahət Şirinova, Vuqar Nəcəfovun ifasında muğam parçaları, gənc müğənni Ceyhun Əhmədovun ifasında vətənpərvərlik ruhunda musiqi nömrəsi tədbir iştirakçıları tərəfindən maraqla dinlənilib.