Sumqayıt şəhər N.Nərimanov adına mədəniyyət mərkəzində Şəhər Mədəniyyət Evinin hesabat konserti keçirilib. Konsertdə mədəniyyət evinin özfəaliyyət kollektivlərinin və dərnək üzvlərinin çıxışları dinlənilib.
Solistlər Mehman Əhmədov, İlkin Əlizadə, Zaur Yusifli, Kamil Ağazadə, Elvin Qasımov, Tünzalə Məmmədova,  Şahin Qədirsoy, Sürəyya Əbilovanın ifasında xalq və bəstəkar mahnıları, "Zəminxarə” ansamblının çıxışı, eyni zamanda, aşıq Səbinə Gədəbylinin ifasında saz havaları, meyxanaçı Ədalət Dağlının ifasında şəhidlərimizi vəsf edən meyxana alqışlarla qarşılanıb.
Tədbirdə mədəniyyət evinin "Tilsim” shou qrupunun üzvü Elşad Məmmədovun nümayiş etdirdiyi bir-birindən maraqlı illüziyaları və özfəaliyyət kollektivi üzvlərinin ifasında Ü.Hacıbəyovun "Arşın mal alan” tamaşasından  parça (Əlipaşa Paşayev və Tünzalə Məmmədovanın ifasında), "Veteran” xorunun Kamil Ağazadə ilə dueti tamaşaçıların marağına səbəb olub.
Sonda tədbir iştirakçıları mədəniyyət evinin rəsm dərnəyi üzvlərinin əl işlərindən ibarət sərgisi ilə tanış olublar.

 

 

 

 

 

 

 

 

Xəbərdən istifadə edərkən istinad etmək vacibdir.