"Gənclik” klubu 4 saylı diyarşünaslıq klubu ilə birgə bir illik fəaliyyətin yekunu olaraq hesabat konserti ilə çıxış edib. Hesabat konsertində özfəaliyyət kollektivlərinin çıxışı dinlənilib.
Gənc xanəndə Müşfiq Əliyevin ifasında muğamlar,  gənc aşıq Orxan Orucovun ifasında saz havaları, solistlər Mahir Mehdiyev, Gülbahar Rzayeva, Rəvan Ağayev, Leyla Məmmədovanın ifasında xalq və bəstəkar mahnıları tədbir iştirakçılrı tərəfindən alqışlarla qarşılanıb.
İlham Həsənov və Gülbəniz Abbasovanın ifasında səslənən şeirlər tədbiri daha da rövnəqləndirib.
"Gənclik” klubunda keçirilən daha bir tədbir sumqayıtlı şair Asif Asimanın yaradıcılığına həsr olunub. Tədbirdə şairin müxtəlif illərdə yazdığı şeirlər ifa olunub. Sonda şair Asif Asiman çıxış edərək tədbirin təşkilatçılarına öz təşəkkürünü bildirib və yaradıcılığı ilə bağlı verilən sualları cavablandırıb.
 

Xəbərdən istifadə edərkən istinad etmək vacibdir.