Avstriyanın Azərbaycandakı səfirliyinin təşkilatçılığı ilə Bakıda ilk dəfə "STREIF - One hell of ride" filminin nümayişi keçiriləcək. Film noyabrın 11-i saat 18:00-da Metropark Park Cinema-nın 2-ci zalında olacaq. "Avropa Film Festivalı-2016" çərçivəsində verilən Avstriya filminə giriş biletlədir. Amma biletlər ödənişsizdir və film nümayişi günü səhər saat 10:00-dan etibarən Metropark Park Cinema-nın kassasından əldə oluna bilər. Film almancadır, ingilis dilində subtitrlərlə veriləcək. Filmin rejissoru Gerald Salmina, həmçinin dağdan eniş xizək yolunun yarış meneceri və filmin 2-ci prodüseri Aksel Naglich şəxsən filmin nümayişində iştirak edəcək. Nümayişdən dərhal sonra əsas qonaqlarla film diskussiyası keçiriləcək.
Avstriyanın Azərbaycandakı səfirliyi hər kəsi bu fimə baxmağa dəvət edir!

Xəbərdən istifadə edərkən istinad etmək vacibdir.