Azərbaycan Respublikasının Prezidenti yanında Gənclər Fondunun maliyyə dəstəyi və Azərbaycan Turizm və Menecement Universitetinin tərəfdaşlığı ilə "Vətənpərvər Maarifçi Gənclər” Ictimai Birliyi tərəfindən "Gəzməyə vətən yaxşı” –gənc bələdçilər üçün təlimlər layihəsi çərçivəsində bələdçi olmaq istəyən gənclərin bilik və bacarıqlarının inkişaf etdirilməsi, peşəkar bələdçilərin praktik təcrübələrinin gənclərə öyrədilməsi, gənclərə turizm sektoru, azərbaycan turizminin spesfik xususiyyətləri barədə informasiyanın verilməsi, gələcəkdə məşğulluq probleminin həll olmamasına dəstək olnması məqasədi ilə maarifləndirmə tədbirlərinin təşkili  layihəsinə 23 fevral tarixində start verildi.

 23 fevral 2017-ci il tarixdə təşkil edilən təlimdə Bakı Dövlət Universitetinin, Azərbaycan Turizm və Menecement Universitetinin, hazırda bələdçi kimi çalışan və ya gələcəkdə bələdçi olmaq istəyən  50-dən çox  gənc iştirak edib. Tədbirlərin açılışında vətən uğrunda şəhid olmuş övladlarımızın ruhu 1 dəqiqəlik sükutla yad edilib.
 Daha sonra çıxış edən "Vətənpərvər Maarifçi Gənclər” İctimai Birliyinin sədri Nəsimi Həsənov iştirakçılara Azərbaycan Respublikasının gənclər siyasəti, vətənpərvərlik və təşkilatın mahiyyəti, fəaliyyət istiqamətləri və keçirdiyi layihələr barədə məlumat verərək iştirakçıları təlimlərdə fəal iştirak etməyə çağırdı.
 Təşkilatın sədr müavini Ceyhun Abbasov  bildirdi ki, bu təlimlərin əsas məqsədi bələdçi olmaq istəyən, turizim sektorunda fəaliyyət göstərəcək gəncləri akademik səviyyədə maarifləndirilməsidir.
 Təlimçi Ümumdünya Bələdçi Federasiyasının təlimçisi Səkinə Əsgərova layihənin ilk günü gənclərə proqrama uyğun olaraq turizm bələdçisi Azərbaycan və dünyada, mədəniyyətlərarası dialoqun həssas tərəfləri, sosial həyat və dövlət siyasəti barədə geniş məlumat verdi, vəzifə təlimatlarını, mövcud problemləri  iştirakçılara qarşılıqlı fikir mübadiləsi və sual-cavab vasitəsilə izah etdi. İşturakçıların aktivliyi ilə keçən təlimdə onların gələcək əmək fəaliyyətlərində qarşıya çıxa biləcək bir sıra məqamlara və suallara aydınlıq gətirildi.
Təlimlər zamanı iştirakçılara paylama materialları və maarifləndirici kitab da təqdim edildi.

 

 

 

Xəbərdən istifadə edərkən istinad etmək vacibdir.