"Eurovision” mahnı müsabiqəsinin başlamasına bir gün qalıb.
Xeberle.com-un Axşam.az-a istinadla məlumatına görə, təmsilçimiz Diana Hacıyeva (Dihaj) artıq məşq proseslərini başa vurub.
"Eurovision”ın builki Azərbaycan üzrə şərhçisi İTV-nin aparıcısı Azər Süleymanov olacaq. A.Süleymanov artıq bir neçə gündür Kiyevdədir.
Dihajın saç və makiyajını isə stilist Anar Ağakişiyev edəcək. Anar da artıq bununla bağlı Ukraynaya yollanıb.
Qeyd edək ki, "Eurovision - 2017” mahnı müsabiqəsinin yarımfinalı mayın 9 və 11-də, finalı isə 13-də baş tutacaq. Dihaj müsabiqədə "Skeletons” mahnısını səsləndirəcək.
Xəbərdən istifadə edərkən istinad etmək vacibdir.
