2015-ci ildə fəaliyyətə başlayan "Tiamo Kids Dahi Uşaqlar Mərkəzi” ölkənin aparıcı təhsil ocaqlarından birinə çevrilib. Mərkəz bir sıra istiqamətlər üzrə tədris proqramları həyata keçirməklə yanaşı azyaşlı yetirmələrinin dünyagörüşünün formalaşması üçün ardıcıl olaraq müxtəlif formatlı tədbirlər, aksiyalar, müsabiqələr və s təşkil edir. Belə tədbirlərdən biri də iyunun 1-də Uşaqların Beynəlxalq Müdafiəsi günü ilə bağlı keçirildi. Azyaşlıların hazırladığı kompazisiyalar, rəqslər, tamaşalar, bədii əyləncəli musiqi parçaları maraqla qarşılandı. Qeyd edək ki, tədbirdə ABŞ-ın ölkəmizdəki səfirliyinin nümayəndələri ilə yanaşı, əməkdar jurnalist Rəhman Orxan, Jurnalist Aygün Hacıyeva, Sumqayıt Şəhər Mərkəzi Kitabxanasının nümayəndələri də iştirak edib. Səfirlik əməkdaşları Mərkəzin şagirdlərinə maraqlı çıxışlara görə təşəkkür edib, "Tiamo Kids Dahi Uşaqlar Mərkəzi”nin uşaqların bacarıq və istedadlarını üzə çıxarmaq və inkişaf etdirmək istiqamətində səmərəli fəaliyyətini vurğulayıblar.