Sumqayıt şəhər 28 may Mədəniyyət Evində konsert proqramı təşkil olunub.
Xeberle.com-un məlumatına görə, bu dəfə mədəniyyət
evində Səid Rüstəmov adına Uşaq incəsənət məktəbinin fortepiano müəllimi
Elnarə Xankişiyevanın rəhbərlik etdiyi kollektiv
tamaşaçılar qarşısında "Gənclərimizi tanıdaq” adlı
konsert proqramı ilə çıxış edib.
Vətənpərvərlik mövzusunda ifa olunan musiqilər
tamaşaçılar tərəfindən alqışlarla
qarşılanıb və ruh yüksəkliyi yaradıb.
Belə ki, tarda İlqar Əzizov və Əfqan İsgəndərovun,
qarmonda Murad Feyziyevin, balabanda Elşad
Şixəliyəvin, nağarada Bəşir Ağayevin, Vialetta Həsənəlizadənin rəhbərlik etdiyi
skripkaçılar ansamblının (ifaçılar Səadət Əlizadə, Ruhil Vəlicanov, Taleh Rəsulov)
ifasında Həsən Rzayevin "Cahargah” rapsodiyası, Səid Rüstəmovun "Hardasan”, Tofiq
Quliyevin "Zibeydə” və "Sevgi valsı”, eləcə
də Mehriban Əhmədovanın "Ana”, A.Babayevin "Sevimli gözlər”, Ceyhun
Allahverdiyevin "Zəfər” himni, Aygün Səmədzadənin "Azərbaycan” əsərləri və "Sarı gəlin” xalq mahnısı təqdim olunub.
Tədbirdə Sumqayıt Regional Mədəniyyət və Turizm İdarəsinin
məsləhətçisi Eldar Huseynov cıxış edərək
bildirib ki, konsert proqramı yüksək səviyyədə
təşkil olunub. İdarənin məsləhətçisi konsert proqramının təşkilatçısı
Elnarə Xankişiyevanı Sumqayıt Regional Mədəniyyət və Turizm İdarəsinin Fəxri fərmanı
ilə təltif edib.
Xəbərdən istifadə edərkən istinad etmək vacibdir.
