Hindistanın məşhur "Indian Ocean” adlı musiqi qrupu Sumqayıtda Dənizkənarı Bulvarda geniş konsert proqramı ilə çıxış edib.

Konsert Hindistanın Azərbaycandakı səfirliyinin təşəbbüsü və Sumqayıt Şəhər İcra Hakimiyyətinin təşkilatçılığı ilə Azərbaycan respublikası ilə Hindistan arasında diplomatik münasibətlərin 25 illiyi münasibəti ilə keçiriliən silsilə tədbirlər çərçivəsində baş tutub.

 

Açılış mərasimində Sumqayıt Şəhər İcra Hakimiyyəti başçısının müavini Teymur Səmədov qonaqları salamlayaraq,şəhərdə həyata keçirilən sosial-iqtisadi layihələr barədə ətraflı məlumat verdi. Natiq belə tədbirlərin keçirilməsini xalqlarımızın daha da yaxınlaşması baxımından əhəmiyyəti olduğunu vurğulayıb.Hindistanın Azərbaycandakı səfiri Sancay Rana mədəni tədbirlərin keçirilməsini təqdirəlayiq hesab edib. Bildirib ki,bu cür tədbirlər artıq özünəməxsus bir ənənəyə çevrilib və mədəni-yaradıcılıq sahəsində mübadilə, eləcə də ölkələrin mədəni nailiyyətlərini əks etdirmək baxımından əhəmiyyətlidir. Vurğulanıb ki, hər iki ölkənin mədəniyyət sahəsindəki münasibətləri qədim köklərə söykənir. Hindistanın Azərbaycandakı səfiri Sancay Rana gələcəkdə də bu cür tədbirlərin təşkil edilməsində maraqlı olduğunu bildirdi. Konsertdə biri birindən maraqlı ecazkar musiqi nömrələri ifa olunub.

 

Musiqilərdə mənəviyyat, fəallıq, ətrafmühitçilik, müharibənin faydasızlığı və mifologiya kimi mövzular qabarıq sezilir.Müasir rokun, klassik Hind cazının, xalq musiqisinin vəhdəti şəhər sakinləri tərəfindən maraqla qarşılanıb.