Azərbaycan tamaşaçılarının uzun illərdir sevə-sevə baxdığı bir sıra milli filmlərin əsas obrazlarını əcnəbi aktyor və aktrisalar canlandırıblar. Bəzilərimiz onları filmdəki qəhrəmanların adı ilə tanıyırıq, gerçəkdə isə kim olmalarından xəbərsizik. Hətta həmin aktyor və ya aktrisanı azərbaycanlı hesab edənlər də az deyil. 

Modern.az saytı “Azərbaycan kinosunun əcnəbi qəhrəmanları” adlı rubrikasında oxuculara milli filmlərimizdə əsas rolların ifaçıları olmuş xarici aktyor və aktrisalar haqqında məlumatın təqdimatına davam edir. 

1979-cu ildə lentə alınmış “Mən mahnı qoşuram” filmi Azərbaycan kino tarixində özünəməxsus yeri və rolu olan ekran əsəridir. Rejissorlar. Kənd dəyirmançısının qızı Sona gözəl mahnılar oxuyur. Bakıdan gələn musiqi müəllimi bu qızı özü ilə şəhərə aparmaq, musiqi məktəbində oxutdurmaq istəyir. Qızın atası isə uşağını həkim görmək arzusundadır. “Qız hara, müğınnilik hara deyən daş atıb, başını tutan ata onun yanına gəlmiş müəllim həyətindən qovur. Amma sonda kənd camaatının təkidi və qızın istəyi ilə nəhayət ata nəinki razılıq verir, hətta uşağını özü Bakıya oxumağa aparır. 

Filmin ssenari müəllifləri İbrahim İbrahimov, Tofiq İsmayılovdur. Tofiq İsmayılov həm də bu ekran əsərinin quruluşçu rejissorudur.

Filmdə maraqlı aktyor heyəti çıxış edib. Onlardan biri də əsas qəhrəmanlardan biri olan Bəhmən dayını oynamış aktyorKonstantin Dauşvili.
Dövrünün tanınmış kino xadimlərindən olan Kote (Konstantin) Davidoviç Dauşvili milliyətcə gürcüdür.  Gürcüstanın və Ermənistanın xalq artisti, teatr və kino aktyoru K.Dauşvili 19 mart 1909-cu ildə Bakıda anadan olub. 
K.Dauşvili aktyor fəaliyyətinə 1928-ci ildə Tiflis Qızıl Ordu Teatrında başlayıb. 1930-cu ildən K.Marcanaşvili adına Tiflis Akademik Teatrının truppasına qəbul edilən aktyor tezliklə teatrın aparıcı aktyorlarından biri kimi tanınmağa başlayıb. 

Onun kino karyerası 1931-ci ildən başlayır. O, əsasən “Gürcüfilm”də çalışıb və müxtəlif ekran əsərlərində yaratdığı bir-birindən  parlaq obrazlara görə Gürcüstan kinosunun tanınmış simasına çevrilib. Məşhur “Mimino” filminə tamaşa edənlər K.Dauşvilini baba rolundan yaxşı tanıyırlar.

“Mən mahnı qoşuram” filmi gürcü aktyorun ömürünün sonuna yaxın çəkildiyi ekran səsridir. Onun filmdə oynadığı Bəhmən dayı rolunu Azərbaycanın görkəçli aktyoru Məmmədrza Şeyxzamanov səsləndirib.

Aktyor 5 iyul 1980-ci ildə 71 yaşında dünyasını dəyişib.