Abşeron rayon Mədəniyyət Mərkəzində keçirilən festival Abşeron rayon İcra hakimiyyəti, Sumqayıt Regional Mədəniyyət İdarəsi və Abşeron rayon Mədəniyyət Mərkəzinin birgə dəstəyi ilə təşkil olunub.

Ölkəmizin tarixi irsi, mədəniyyəti, milli adət ənənələri, xalq yaradıcılığı və folklorunu dərindən öyrənmək, mədəni irsin uşaq və gənclər arasında daha da geniş təbliğ etmək, rəqslərimizi müasir tələblər səviyyəsində tanıtmaq, xoreoqrafiya sənətini daha da inkişaf etdirmək, beynəlxalq mədəni əlaqələri gücləndirmək, eyni zamanda ölkəmizə gələn festival iştirakçılarına Azərbaycanı tanıtmaq məqsədi ilə keçirilən festival Quba şəhər Uşaq və Gənclər İnkişaf Mərkəzinin direktoru Ramin Məmmədlinin təşəbbüsü ilə baş tutub.

Festivalda Salomi Mazmishvilinin rəhbərliyi ilə "Mermisi” qrupu (Tbilisi), Ketin Ariashvilinin rəhbərliyi ilə "Assas Fesvebi” qrupu (Tbilisi), Giorgi Aduashvilinin rəhbərliyi ilə "Karveti” qrupu (Qori), Nino Yeinishvilinin rəhbərliyi ilə "Mermisi” (Borjomi) kollektivləri, o cümlədən, Abşeron rayon Mədəniyyət Mərkəzinin, Xırdalan şəhər 11 illik Musiqi Məktəbinin, Qobu qəsəbə Uşaq İncəsənət məktəbinin və Novxanı kənd Sənətkarlıq klubunun kollektivləri bir-birindən maraqlı rəqs kompozisiyaları nümyiş etdiriblər.

Festival iştirakçılarının çıxışları tamaşaçılar tərəfindən böyük maraq və alqışlarla qarşılanıb.