Bu barədə Ruslan Sabirli Xeberle.com-a açıqlamasında bildirib: "Sözün açığı bu xəbər mənim üçün də sürpriz oldu. Çünki, bu barədə Google şirkətinə heç bir müraciət edilməmişdi və Google şirkəti buna müraciətlər əsasında deyil, özü müxtəlif meyarlara görə fərqli mənbələrdən məlumatları toplamaqla qərar verir. Ona görə də tanınmışların belə bir dünyəvi siyahısında adımın olması sevindirici bir xəbər oldu.

Adımın Google axtarış sistemində görkəmli sənətkarlarımızla, Xalq artistləri ilə yanaşı yer alması üçün də təbii ki, sevincliyəm. Artıq istifadəçilər Google-da ad və soyadımı yazmaqla axtarış etdikləri zaman rəsmi sosial şəbəkə hesablarımı da əldə etmiş olacaqlar.”

Qeyd edək ki, Google biliklər paneli (Google knowledge panel) axtarış zamanı istifadəçilərin axtarılan tanınmış insan haqqında tez bir zamanda qısa və əsas məlumatları təqdim etmək məqsədilə yaradılan məlumat bölməsidir. Bu bölmədə göstərilən məlumatlar yalnız Google tanınmış simalar bazasına daxil olan insanlara aid olur. Bura Azərbaycanlı aktyorlardan xalq artistləri Yaşar Nuri, Fuad Poladov, Rasim Balayev, Fəxrəddin Manafov və s. kimi sənətkarların adları da daxildir.

Xatırladaq ki, Ruslan Sabirli Odnoklassniki (http://www.odnoklassniki.ru/ ruslan.sabirli) və Facebook (https://www.facebook.com/ sabirli.ruslan) sosial şəbəkələrində Qafqaz üzrə "Təsdiqlənmiş profil” statusunu alan ilk tanınmış insandır. İndi isə onun adını Google axtarış sisteminə yazdıqda Ruslan Sabirli haqqında əsas detalları əks etdirən məlumatları və onun rəsmi sosial şəbəkə hesablarını əldə etmək mümkündür.