Sumqayıtda 1960-cı illərdə
tikilmiş və baxımsızlıq ucbatından yararsız vəziyyətə düşmüş Nizami kinoteatrı
sökülərək yenidən tikilir. Artıq kinoteatrın binasında işlər yekunlaşmaq üzrədir.
Üç zaldan ibarət olacaq kinoteatr
noyabr ayında kinosevərlərin ixtiyarına veriləcək. Kinoteatr üç zaldan
ibarət olacaq.
Sumqayıtlıları narahat edən bir məsələ
də öz həllini tapacaq. Belə ki, bazar ətrafında yerləşən Azərbaycanın dahi
şairi Nizami Gəncəvinin heykəli bundan sonra kinoteatrın qarşısında ucalacaq.
6 iyul 2016-cı il tarixində
Sumqayıt Şəhər İcra Hakimiyyətinin başçısı Zakir Fərəcov Nəriman Nərimanov küçəsində
yerləşən "Nizami" kinoteatrındakı vəziyyətlə tanış olarkən
narahatlığını ifadə etmiş və "Sumqayıt şəhərində müasir texnologiyalara
uyğun, ən yeni proyektorlar, yüksək parlaqlığa malik kinoekranlar və səs
sistemləri ilə təchiz olunan, tamaşaçıların zövqünü oxşayan kinoteatrın
olmasının vacibliyini" vurğulamışdı. (sputnik.az)
Xəbərdən istifadə edərkən istinad etmək vacibdir.
