Tanınmış prodüser Oqtay Əliyev bu yaxınlarda qardaşı Elçin Əlibəylinin ünvanına kəskin sözlər bildirən müğənni Kərim Abbasovu məhkəməyə verib.
Xeberle.com xəbər verir ki, prodüser şikayət ərizəsində sənətçi tərəfindən ailə üzvlərinin şərəf və ləyaqətinin alçaldıldığını bildirib.
K. Abbasov mövzu ilə bağlı instaqramda status yazıb:
"Erməni kəliməsinə görə məni məhkəməyə vermişdi. Qəribəsi bundadır ki, əgər onlara alman, ingilis və ya "çinqaçunq” desəydim, məni məhkəməyə verəcəkdilər. Oqtay müəllim, yazdığım sms-də də demişəm, sizə hörmətim olub və olacaq. Gözəl insansınız, Dilarə xanımı da (Əməkdar artist Dilarə Əliyeva) doğmam kimi çox istəyirəm. Amma gərək belə etməzdiniz - sazan ayrı, pazan ayrı. Qardaşınızla (aparıcı Elçin Əlibəyli) aranızda yerlə-göy qədər fərq var. Onu özünüzə tay etməyin”.
Qeyd edək ki, Kərimlə aparıcı E. Əlibəyli arasında uzun müddətdir qalmaqal yaşanır.
Xəbərdən istifadə edərkən istinad etmək vacibdir.