Sumqayıtda Hindistan sərgisi keçirilir. Dekabrın 5-dən başlayan sərgi 10 gün davam edəcək və 15 Dekabr tarixində yekunlaşacaq.
Xeberle.com-un məlumatına görə, bu sərgidə Hindistana məxsus bir çox məhsullar nümayiş etdirilməkdədir. Əsasən xanımların diqqətini çəkən məhsullar içərisində, müxtəlif bəzək əşyaları, təbii sürmələr, ipək şərflər satılır. Həmçinin ekzotik, qeyri-adi tatuajlar da böyük marağa səsəb olur. Sərgidə rəqqaslar Hindistan musiqisi altında hind rəqsləri oynamaqla bura gələnlərin diqqətini daha da çox özlərinə çəkirlər.
Hindistan məhsulları içərisində əl işlərindən hazırlanan taxtadan olan ev üçün müxtəlif bəzək əşyaları da var. Satıcılar sərgiyə olan maraqdan məmnundular.
Sərgidə ən çox diqqət çəkən Hindistan milli geyimləridir. Rəngarəng parçalardan hazırlanan geyimlər və digər məhsulların qiymətləri də kifayət qədər münasibdir.
Əsrlər boyu bir çox dövlətlərin, şahların, insanların əldə etmək istədiyi Hindistan ədviyyatlarını da artıq Sumqayıtda almaq mümkündür.
Xatırladaq ki, Hindistan məhsulları sərgisi Sumqayıt şəhərində "Mətanət” şadlıq evində keçirilir.