Koronavirus (COVİD-19) infeksiyasının ölkə ərazisində yayılmasının
qarşısının alınması məqsədilə xüsusi karantin rejiminin elan edildiyi
dövrdə Sumqayıt Regional Mədəniyyət İdarəsi öz fəaliyyətini onlayn
olaraq davam etdirir.
Sumqayıt Regional Mədəniyyət İdarəsinin rəisi Mehman Şükürov müəssisə rəhbərlərinin iştirakı ilə yenidən
onlayn müşavirə keçirib.
İdarə rəisi ilk öncə hərkəsi salamlayaraq onlayn müşavirəyə başladı.
Azərbaycanda Koronavirus xəstələrinin və bu xəstəlik üzündən həyatlarını
itirənlərin sayının günü-gündən artması ilə əlaqədar olaraq İdarə
Rəhbərlərinə xüsusi karantin rejiminin tələblərinə və gigienik
qaydalara ciddi əməl etmələrini bildirdi. Hər bir idarədə gənclərdən
ibarət ehtiyat kadrları yaradılması barədə müəssisə rəhbərlərinə öz
tapşırıqlarını verdi. Həmçinin Regional Mədəniyyət İdarəsinə tabe olan
müəssisələrə mütəmadi olaraq dezinfeksiya işlərinin aparılması barədə
idarə rəhbərlərini məlumatlandırdı.
Sonda tabe müəssisələri onlayn tədbirlər hazırlanıb görülmüş
işlər barədə hər həftənin birinci (1-ci) günləri idarənin mətbuatına
göndərilməsi haqda məlumatlandırdı.
Xəbərdən istifadə edərkən istinad etmək vacibdir.
