Dekabrın 24-də yazıçı-publisist, tarixi romanlar müəllifi Yunus Oğuzun "Nadir şah” romanı əsasında Azərbaycan Akademik Milli Dram Teatrında səhnələşdirilmiş "Nadir şah” tamaşasının premyerası keçiriləcək.

Quruluşçu rejissor Gümrah Ömər olan tamaşada baş rolu-Nadir şahı əməkdar artist Məmməd Səfa (Məmmədsəfa Qasımov) və xalq artisti Ramiz Novruz ifa edəcək.

Xatırladaq ki, Sumqayıt teatrının aktyoru, daha çox "Qatil", "Napaleon" kimi tamaşaların baş rol ifaçısı Oqtay Mehdiyev də tamaşada rol alıb. Aktyor Moğol Məhəmməd şahın obrazını canlandıracaq.

Qeyd edək ki, tamaşa Mədəniyyət və Turizm Nazirliyinin sifarişi ilə səhnələşdirilib.  (baymedia.az)