Bu gün 2 fevral Gənclər Günü münasibəti ilə Əli Kərim adına "Poeziya Evi”ndə Sumqayıt Regional Mədəniyyət İdarəsi və Mədəniyyət işçiləri Həmkarlar İttifaqı Sumqayıt şəhər Komitəsinin birgə təşkilatçılığı ilə 2-ci Qarabağ savaşında iştirak edən mədəniyyət işçiləri ilə görüş keçirilib.
Xeberle.com-a verilən məlumata görə, görüşdə müharibə iştirakçıları ilə səmimi söhbət aparılıb, qazilər öz keçdikləri döyüş yolundan bəhs ediblər. Görüşdə Sumqayıt Regional Mədəniyyət İdarəsinin rəisi Rəsad Əliyev, MİHİ Sumqayıt şəhər Komitəsinin sədri Şahin Şəfiyev, Poeziya Evinin direktoru İbrahim İlyaslı çıxış ediblər.
Sonda Vətən müharibəsi iştirakçıları MİHİ Sumqayıt şəhər Komitəsi tərəfindən mükafatlandırılıb və xatirə şəkli çəkilib.
Xəbərdən istifadə edərkən istinad etmək vacibdir.
