"Qladiator Debatları” layihəsinin qalibləri mükafatlandırılıblar…
Sumqayıt Dövlət Universitetində gerçəkləşdirilən "Qladiator Debatları” layihəsi başa çatıb. Sumqayıt Tarixi Muzeyində layihənin bağlanış mərasimi keçirilib.
İki ay müddətində keçirilən layihədə Sumqayıt Dövlət Universitetinin II kurs tələbəsi Aynurə Fərhadova Çempion olaraq kubok, medal və diplomla, birinci ən yaxşı natiq Orxan Sadiq, ikinci ən yaxşı natiq İbrahim Zeynallı, üçüncü ən yaxşı natiq Teyyub İskəndərov isə medal, diplom və sertifikatla təltif olunublar. Layihədə xüsusi əməyi keçən Pərvin Qocayeva, Elvin Gülməmmədov, Samir Aslan, Bəhruz Bayramov, Zaur Quliyev təşəkkürnamə ilə, digər tələbələr isə sertifikat ilə mükafatlandırılıblar.
Mükafatlandırılanlardan Dövlət İdarəçilik Akademiyasının tələbəsi Ağalar Ağalarlı ən yaxşı məşqçi medal və diplomuna layiq görülüb. O, Qladiator Debatlarının tələbələrə qazandırdığı müsbət keyfiyyətlərdən danışıb. (a24.az)
Xəbərdən istifadə edərkən istinad etmək vacibdir.
