Sumqayıt Regional Mədəniyyət İdarəsinin rəisi Rəşad
Əliyev idarəyə tabeli qurumların müəssisə rəhbərlərinin iştirakı ilə
onlayn müşavirə keçirib.
Xeberle.com-a verilən məlumata görə, müşavirədə çıxış edən rəis, mədəniyyət sahəsində çalışan işçilərin
vaksinasiyaya cəlb edilməsi üçün düzgün maarifləndirmə tədbirlərinin
təşkili haqqında təlimatlarını verib. Bütün müəssisə rəhbərlərini
COVID-19-a qarşı aparılan kütləvi peyvəndləşmədə maksimum aktivlik
göstərməyə çağırıb.
R.Əliyev idarənin iş strukturuna uyğun olaraq, planlaşdırılan
tədbirlərin xüsusilə qüdrətli söz ustadı "Nizami Gəncəvi” ili ilə bağlı
silsilə tədbirlərin təşkil edilməsini tapşırıb.
Daha sonra rəis, müəssisə rəhbərlərini idarə tərəfindən elan edilən
"Ən yaxşı qısa film” və " Ən yaxşı sosial şəbəkə səhifəsi” müsabiqəsində
fəal olmağa çağırıb.
Sonda rəis R.Əliyev müşavirə iştirakçılarına rəhbərlik etdikləri
müəssisələrdə çalışan əməkdaşların verilən tapşırığa ciddi riayət
etməsini, məsuliyyətli olmağı və virusa yoluxma hallarının qarşısının
alınması məqsədi ilə xüsusi sanitar-profilaktik tədbirlərin görülməsini
tapşırıb.
Xəbərdən istifadə edərkən istinad etmək vacibdir.
