Sumqayıt Regional Mədəniyyət İdarəsinin əməkdaşları həftə sonu keçirilən ağacəkmə kampaniyasına qoşulub
Xeberle.com-a verilən məlumata görə, Sumqayıt Şəhər İcra Hakimiyyətinin təşəbbüsü ilə Sumqayıtda ağacəkmə aksiyası keçirilib. Bu vacib layihəyə şəhərin bir çox idarə, müəssisə və təşkilatlarının kollektivləri qatılıb.
Keçirilən bu tədbirdə Sumqayıt Regional Mədəniyyət İdarəsinin əməkdaşları da iştirak edib.
Yaşıllıqların geniş şəkildə artırılması, iqlim dəyişikliyinin təsirlərinin azaldılması və ətraf aləmin qorunması məqsədi ilə təşkil edilən bu aksiya çərçivəsində mədəniyyət sahəsində fəaliyyət göstərən şəxslər 80 həmişəyaşıl ağac əkib.
Sonda idarə əməkdaşları belə nəcib işlərin ərsəyə gəlməsinə görə tədbir təşkilatçılarına təşəkkür ediblər.
Xəbərdən istifadə edərkən istinad etmək vacibdir.
