Nizami Gəncəvi ümumbəşəri mahiyyət daşıyan, ecazkar poetik qüvvəyə malik yaradıcılığı ilə Şərq bədii təfəkkürünü elmi-fəlsəfi fikirlərlə zənginləşdirmiş və şeiriyyatı görünməmiş yüksəkliklərə qaldıran bir şəxsiyyət olub.
Nizami irsi uzun zamandan bəri dünya elmi-ədəbi fikrinin diqqət mərkəzindədir. Ölkəmizdə dahi şairin əsərləri dəfələrlə nəşr olunmuş, ədəbi irsinin öyrənilməsi və tanıdılması sahəsində xeyli işlər görülmüşdür.
Görkəmli Azərbaycan şairinin 880 illiyi ilə əlaqədar Azərbaycan Milli Xalça Muzeyinin "Uşaq muzeyi” şöbəsində müsabiqə keçirilib.
Müsabiqədə Sumqayıt Regional Mədəniyyət İdarəsinə tabeli Bülbül adına Uşaq İncəsənət Məktəbinin rəsm şöbəsinin şagirdləri də iştirak edib.
Adıçəkilən məktəbin şagirdlərindən Kamilla Ələsgərova, Nərgiz Əmirova və Emiliya Cəfərova müsabiqədə qalib gələrək, diplomla mükafatlandırılıb.
Muzeyin sərgi salonunda müsabiqə iştirakçılarının əsərlərindən ibarət sərgi də yaradılıb.
Xəbərdən istifadə edərkən istinad etmək vacibdir.
