Xeberle.com-un məlumatına görə, Sumqayıt şəhəri Qara Qarayev adına 1 nömrəli Uşaq Musiqi Məktəbinin direktoru Vasif Heydər oğlu Heydərov aparılan müalicə tədbirlərinə baxmayaraq bu gün dünyasını dəyişib.

V. Heydərov 1963-cü ildə Sumqayıt şəhərində anadan olub. 1973-1979-cu illərdə Q.Qarayev adına 1 saylı musiqi məktəbinin tar ixtisası üzrə təhsil alıb. 1979-1983-cü illərdə isə Sumqayıt şəhər S.Hacıbəyov adına orta ixtisas musiqi məktəbinin X.Ç.A şöbəsinin tar sinfində təhsil alıb. Eyni zamanda 1981-ci ildə 4 saylı Mədəniyyət evində tar ixtisası üzrə müəllim vəzifəsində işləyib. 1983-cü ildə Əli-Bayramlı şəhər uşaq musiqi məktəbində tar ixtisası üzrə müəllim vəzifəsində işləyib. 1986-cı ildə Sumqayıt şəhər «Pioner və məktəblilər» sarayının nəznindəki «Musiqi-Xor» studiyasında tar müəllimi və ansamblın bədii rəhbəri kimi çalışıb. 1988-ci ildə M.Əliyev adına Azərbaycan Dövlət İncəsənət İnstitutuna qəbul olaraq, 1993-cü ildə Ə.Hüseynzadə adına Mədəniyyət və İncəsənət Universitetini bitirib. 2001-ci ildə «Pioner və məktəblilər» sarayında işdən olunaraq, F.Əmirov adına 5 saylı uşaq musiqi məktəbində tar ixtisası üzrə müəllim təyin olunub, 2003-cü ildə Sumqayıt şəhər H.Zeynalabdin qəsəbəsi, Ə.Bakıxanov adına uşaq incəsənət məktəbində direktor vəzifəsinə təyin edilib. 2010-cu ildən 2021-ci ilədək isə Sumqayıt şəhər F.Əmirov adına uşaq musiqi məktəbində direkor vəzifəsində çalışıb. Son iş yeri Sumqayıt şəhəri Qara Qarayev adına 1 nömrəli Uşaq Musiqi Məktəbi olub.

Allah rəhmət eləsin!