Xeberle.com-a verilən məlumata görə, S.Rüstəmov adına uşaq incəsənət məktəbində keçirilən tədbiri giriş sözü ilə açan Sumqayıt Regional Mədəniyyət İdarəsinin rəisi Rəşad Əliyev nitqinə ümummilli lider Heydər Əliyevin "Mən dünyada müəllimdən yüksək ad tanımıram” ifadəsi ilə başlayıb, bu günlə bağlı bütün müəllimləri təbrik edib, onlara işlərində yeni-yeni uğur və nailiyyətlər arzulayıb. O qeyd edib ki, bu gün ölməz lider H.Əliyev tərəfindən 1993-cü ildə rəsmiləşdirildikdən sonra hər il oktyabrın 5-i böyük sevgi ilə qeyd edilir.

Elm və təhsilin inkişafına ali diqqət və qayğı göstərən Azərbaycan Respublikasının Prezidenti möhtərəm cənab İlham Əliyev demişdir: "Müəllim Azərbaycanda ən hörmətli insandır. Müəllimlər hər bir cəmiyyətin elitasıdır” .

R.Əliyev istedadlı və yaradıcı şəxslərinn aşkar edilməsi, onların müasir texnologiyaların üstünlüklərindən istifadə edərək öz ideyalarını geniş auditoriyalara çatdıra bilmə vərdişlərinin formalaşdırılması, bu yöndə bilik və bacarıqlarının daha da inkişaf etdirilməsi məqsədi ilə SRMİ tərəfindən elan edilən "Ən yaxşı qısa film” müsabiqəsinin qaliblərini diplom və hədiyyələrlə təltif edib.

Daha sonra isə işlərində seçilən və fərqlənən bir qrup müəllimlər peşə bayramları münasibətilə idarənin fəxri fərmanı ilə təltif olunublar.