Bu gün Sumqayıt Regional Mədəniyyət İdarəsinə tabeli Sumqayıt Dövlət Rəsm Qalereyasında Sumqayıt şəhər Gənclər və İdman Baş İdarəsi və Rəsm Qalereyasının təşkilatçılığı ilə Zəfər Gününə həsr edilən "Zəfər Gününün Rəngləri" adlı rəsm keçirilib.
Xeberle.com xəbər verir ki, sərgidə şəhər İncəsənət məktəbinin şagirdlərinin Zəfər gününə həsr edilən rəsmləri sərgilənib. Sumqayıt şəhər Gənclər və İdman Baş İdarəsinin rəisi Elgün Hümbətov, eyni zamanda qalereyanın direktoru Ellada Həsənova çıxış edərək müqəddəs Vətən müharibəsindəki uğurlarımızdan söhbət açıb, bu uğurları rəsmə çevirən uşaq və yeniyetmələrə uğurlar arzulayıblar.
Tədbirdə Səid Rüstəmov adına 3 nömrəli Uşaq incəsənət məktəbinin müəllimləri Faiq Şıxbabayev və Zərifə Qurbanovanın müşayiəti ilə gənc xanəndə Kamran Babayev, Şəhər Mədəniyyət Evinin mügənnisi Əlipaşa Paşayev musiqi nömrələri ilə çıxış ediblər.
Keçirilən sərgidə Rəsm Qalereyası, S. Rüstəmov, Bülbül, Ə. Bakıxanov adına Uşaq incəsənət məktəblərinin şagirdlərinin əsərləri sərgilənib.
Müxtəlif yaş kateqoriyaları üzrə 1-ci yerə Mehriban Əliyeva, Səkinə Zeynallı, Nuray Məmmədova, 2-ci yerə Əhməd Əliyev, 3-cu yerlərə isə Aylan Rəşidova, Nuray Məmmədli, Sahib Yahyayev layiq görülüb.
Sonda qaliblərə sertifikat və hədiyyələr təqdim olunub.
Xəbərdən istifadə edərkən istinad etmək vacibdir.
