Sumqayıt Regional Mədəniyyət İdarəsinə tabeli Şuşa rayon nümayəndəliyi şəhid Ətraf Oktay oğlu Qənimətzadənin ailəsini ziyarət edib.

Kollektiv ailənin qayğıları ilə maraqlanıb, övladlarının keçdiyi döyüş yolundan söhbət ediblər.

Ə. Qənimətov 20 mart 1997-ci ildə Şəki şəhər Dəmiryol məcburi köçkünlər qəsəbəsində dünyaya göz açıb. 2003-cü ildə Şəki şəhər Çələbixan məcburi köçkünlər tam orta məktəbinin 1-ci sinifinə daxil olub. 2014-cü ildə həmin məktəbi bitirərək, Sumqayıt Dövlət Universitetinin Tarix və Coğrafiya fakültəsinin tarix müəllimliyi ixtisasına qəbul olub.

Ətraf Qənimətov 2020-ci il sentyabr ayının 27-sində ikinci Qarabağ müharibəsinin iştirakçısı olaraq, 13 oktyabrda Füzuli rayonu istiqamətində döyüş tapşırığını yerinə yetirərkən qəhrəmancasına şəhid olub. Azərbaycanın ərazi bütövlüyünün bərpa edilməsində xüsusi xidmətinə və işğal olunmuş ərazilərin azad olunması zamanı göstərdiyi rəşadətə görə, həmçinin hərbi qulluq vəzifəsini yerinə yetirən zaman igidliyin və mərdliyin nümayiş etdirilməsinə görə Azərbaycan Respublikası Prezidenti cənab İlham Əliyevin 12 sentyabr 2020-ci il tarixli Sərəncamına əsasən Ətraf Oktay oğlu Qənimətov "Vətən uğrunda” və "Füzulinin azad olunması uğrunda” medalları ilə təltif edilib. Şəhidimiz Şəki şəhər şəhidlər xiyabanında dəfn edilib.

Allah bütün şəhidlərimizə rəhmət eləsin!