Sumqayıt Regional Mədəniyyət idarəsinə tabeli Bülbül adına 2 nömrəli Uşaq İncəsənət məktəbində "Zəfər Günün Mübarək Azərbaycan!" adlı tədbir keçirilib.
Əvvəlcə tədbir iştirakçıları sərgilənən rəsm işləri ilə tanış olublar. Tədbirin rəsmi hissəsində Azərbaycanın Dövlət Himni səsləndirilib, torpaqlarımızın azad olunması uğrunda şəhidlik zirvəsinə ucalanların əziz xatirəsi bir dəqiqəlik sükutla yad edilib.
Öncə söz Sumqayıt Regional Mədəniyyət İdarəsinin rəisi Rəşad Əliyevə verilib. Tədbir iştirakçılarını salamlayan idarə rəisi, Azərbaycan Respublikasının Prezidenti cənab İlham Əliyevin məqsədyönlü fəaliyyəti, müdrik siyasəti, uzaqgörən strateji baxışlarının nəticəsi olaraq İkinci Qarabağ müharibəsində qazandığımız tarixi Qələbədən, bu Qələbənin xalqımıza bəxş etdiyi xoşbəxtlikdən, ölkəmizin beynəlxalq miqyasdakı mövqeyindin danışıb.
Çıxışdan sonra tədbir məktəbin xalq çalğı alətləri orkestri və xalq çalğı alətləri ansamblının, eləcə də şagird və müəllimlərin müxtəlif ifaları və kompazisiyaları ilə davam etdirilib.
Xəbərdən istifadə edərkən istinad etmək vacibdir.
