Sumqayıt Regional Mədəniyyət İdarəsinin tabeliyində olan Sumqayıtın Tarixi Muzeyində 8 noyabr Zəfər Günü münasibətilə Vətən müharibəsinin sumqayıtlı şəhid və qazilərinin şəxsi əşyalarının yer aldığı sərginin təqdimatı və "44 günlük Şanlı Zəfər yolu” adlı tədbir keçirilib.
Tədbirdə vətən uğrunda canını fəda edən şəhidlərin əziz "xatirəsi yad edilib, Müzəffər Ali Baş Komandan, Ölkə Pezidenti İlham Əliyevin rəhbərliyi ilə qəhrəman Azərbaycan ordusunun keçdiyi şərəfli döyüş yolundan bəhs edən videoçarx nümayiş olunub.
Sərgidə iştirak edən Sumqayıt Regional Mədəniyyət İdarəsinin rəisi Rəşad Əliyev, şəhid anaları, vətən müharibəsi qaziləri öz çıxışlarında rəşadətli, qəhrəman Azərbaycan ordusunun döyüş meydandında Müzəffər Ali Baş Komandanın rəhbərliyi ilə qazandığı tarixi qələbədən danışaraq xalqımıza yalnız zəfər, bayram yaraşdığını vurğulayıblar.
Tədbir məktəblilərin vətənpərlik mövzusunda çıxışları ilə davam etdirilib. Sonda isə Vətən müharibəsinin sumqayıtlı şəhid və qazilərinin şəxsi əşyalarının yer aldığı sərgi təqdim olunub. Sərgidə iştirak edən ziyalılar, şəhid ailələrinin nümayəndələri və məktəblilər Vətən müharibəsinə həsr olunan rəsm və foto sərgilərlə də tanış olublar.
Xəbərdən istifadə edərkən istinad etmək vacibdir.
