Sumqayıt Dövlət Dram Teatrın (SDDT) səhnəsində Zəfər günü münasibəti ilə "Missiya” qəhrəmanlıq dramının premyerası baş tutub. Bu barədə SDDT məlumat yayıb.
Birpərdəli "Missiya” dramında Xüsusi Təyinatlı Dəstənin zabiti Şuşa uğrunda döyüşlərdə
ağır yaralanır. Nəticədə o, komaya düşür və ruhlar aləmində 1-ci Qarabağ müharibəsində şəhid olmuş atasını görür. Onların ruhları müharibələr haqda söhbət edirlər.
Əməkdar artist Rauf Ağakişiyev, aktyorlar Oktay Mehdiyev, Şəmistan Süleymanlı ifa edirlər. Digər obrazları Dağlar Rüstəmov, Yalçın Səlimov, Rövşən Hüseynov, Ceyhun Məhərrəmli, Aynur Hümbətova, Rövşad İlyasov, Etibar Əmirov, Ramazan Xanlarov, Zaur Şirinov və Elmir Mehdiyev əsas rolları səhnələşdiriblər.
İdeya müəllifi və layihə rəhbəri Əməkdar artist Mübariz Həmidov olan "Missiya” dramının müəllifi Hafiz Ataxanlı, quruluşçu rejissoru xalq artisti Firudin Məhərrəmov, quruluşçu rəssamı Elşən Sərxanoğludur.
Xəbərdən istifadə edərkən istinad etmək vacibdir.
