Sumqayıtlı gənc aşpazlıq üzrə Milli müsabiqənin III mərhələsinə vəsiqə qazanıb.
Müsabiqə 5 mərhələdən ibarətdir.
Xeberle.com xəbər verir ki, bu barədə Xidmət Sahələri üzrə Sumqayıt Dövlət Peşə Təhsil Mərkəzinin Feysbuk səhifəsində məlumat paylaşılıb.
Müsabiqəni Peşə Təhsili üzrə Dövlət Agentliyi, "WorldSkills Azerbaijan” platforması və "CÀSÀ BAKU” Kulinariya Mərkəzi birgə həyata keçirir. Belə ki, Peşə Mərkəzinin II kurs tələbəsi Rusif Qafarov müsabiqənin III mərhələsində iştirak edəcək. Ümumilikdə Milli müsabiqəyə 168 şəxs qeydiyyatdan keçib.
Qeyd edək ki, 5 mərhələni də uğurla başa vuran şəxslər Çinin Şanxay şəhərində keçiriləcək "WorldSkillsShanghai2022” beynəlxalq bacarıq yarışlarında iştirak hüququnu qazanacaq.
Xəbərdən istifadə edərkən istinad etmək vacibdir.
