Sumqayıt şəhərində "Səni vəsf edirəm, ey vətən…” adlı bayram konserti keçirilib

Kimyaçı Mədəniyyət Sarayında keçirilən bayram konsertində Sumqayıt Şəhər İcra Hakimiyyətinin başçısı Zakir Fərəcov, Qubadlı Rayon İcra Hakimiyyətinin başçısı Malik İsaqov, Milli Məclisin deputatları - Tahir Mirkişili, İmamverdi İsmayılov, Müşfiq Məmmədli, hüquq mühafizə orqanlarının rəhbərləri, şəhər ictimaiyyətinin nümayəndələri iştirak edib. Konsert proqramında Sumqayıt Regional Mədəniyyət İdarəsi tərəfindən yaradılmış Xalq Çalğı Alətləri Orkestri və Sumqayıt Musiqi Kolecinin Kamera Orkestrinin müşayiəti ilə Əməkdar artist İlkin Əhmədov, beynəlxalq müsabiqələrin dəfələrlə qalibi, Prezident təqaüdçüsü Amil Həsənoğlu, Muğam müsabiqəsinin mükafatçıları Gülzar Fərəcova, Sədəf Budaqova, Murad Laçınlı, aşıq Şəhriyar Şahverdiyev, gənc muğam ifaçısı Ülvi Ağamalızadənin çıxışları olub. Azərbaycan Respublikasının Xalq artistləri – Faiq Ağayev, Samir Cəfərov və Məleykə Əsədovanın ifaları gecəyə xüsusi rəng qatıb.