Sumqayıt Dövlət Dram Teatrında vaxtilə teatrın repertuarında yer alan maraqlı tamaşalardan biri "N.X.Andersen "Şahzadənin ulduzu" tamaşasına bərpadan sonra daxili baxış keçirilib.
Xeberle.com-a verilən məlumata görə, tamaşanın quruluşçu rejissoru Vasif Məmmədovdur. Tərtibatın quruluşu Nizami Dadaşova, musiqi tərtibatı Telman Qəniyevə, rəqslərin quruluşu isə Vüsal Mehrəliyevə məxsusdur. Rolları Dağlar Rüstəmov, İlqar İbrahimov, İradə Zeynalova, Sevda Hüseynova, Etibar Əmirov, Məryəm Hüseynli, Aynur Hümmətova, Elmir Mehdiyev, Ceyhun Məhərəmov və Ramazan Xanlarov canlandırırlar.
Baxışdan sonra teatrın direktoru, əməkdar artist Mübariz Həmidov, baş rejissor, Xalq artisti Firudin Məhərrəmov çıxış edərək bərpa edilmiş tamaşa barədə mülahizələrini söylədilər. Qüsurlu epizodlar diqqətə çatdırıldı və tamaşanın bütövlükdə məktəblilərə göstərilməsi məqbul sayıldı.
Xəbərdən istifadə edərkən istinad etmək vacibdir.
