Sumqayıtda "Türkdilli xalqların Novruz adət-ənənələri” adlı beynəlxalq konfrans keçirilib.
Xeberle.com xəbər verir ki, konfrans Əli Kərim adına Poeziya evində, Mədəniyyət üzrə Elmi-Metodiki və İxtisasartırma Mərkəzi, Regional idarəyə tabe olan uşaq incəsənət məktəbləri, Sumqayıt Şəhər İcra Hakimiyyəti, Dövlət Rəsm Qalereyası və Sumqayıt Musiqi Kollecinin birgə təşkilatçılığı ilə baş tutub.
Burada mərkəzin əməkdaşları ilə yanaşı, respublikada fəaliyyət göstərən uşaq musiqi, incəsənət məktəblərinin direktor və müəllim heyəti, Regional Mədəniyyət İdarəsi, Dövlət Rəsm Qalereyası, şəhərimizin İcra Hakimiyyətindən nümayəndələr, Musiqi Kollecinin müəllim və tələbə heyəti, yerli və xarici ölkələrdən qatılan məruzəçi və dinləyicilər iştirak ediblər.
Alimlər öz çıxışlarında qədim zamanlardan başlayaraq Azərbaycan, Türkiyə, İran, Əfqanıstan, Tacikistan, Özbəkistan, Qazaxıstan, Qırğızıstan və Krım tatarları xalqlarında yeni ilin gəlişini müxtəlif mərasimlərlə qarşılandığından bəhs ediblər. Onlar vurğulayıb ki, Novruz bayramı UNESCO tərəfindən Qeyri-Maddi Mədəni İrs Siyahısına daxil edilib.
Konfrans zamanı musiqi nömrələri səsləndirilmiş, uşaqların bayrama aid hazırladığı rəsm əsərləri, həmçinin sənətkarların əl işlərindən ibarət sərgi də nümayiş olunub.
Xəbərdən istifadə edərkən istinad etmək vacibdir.
