Sumqayıt Regional Mədəniyyət İdarəsinin Sumqayıt Dövlət Rəsm Qalereyasında Beynəlxalq Sülh Aylığı çərçivəsində "Uşaqlar sülh istəyir” adlı rəsm sərgisi açılıb. Sərgidə N.Nərimanov adına Mədəniyyət Mərkəzinə tabe olan C.Cabbarlı adına Mədəniyyət evinin rəsm dərnəyinin üzvlərinin rəsmləri təqdim edilib.
Xeberle.com xəbər verir ki, Mədəniyyət evinin "Turan” milli rəqs qrupunun çıxışı ilə başlayan tədbirdə mədəniyyət müəssisəsinin solisti Amil Axundzadənin ifaları maraqla qarşılanıb.
Beynəlxalq Sülh Gününün tarixi, mahiyyəti haqqında qonaqlara məlumat verilib, onlara cəmiyyətimizi, bəşəriyyətimizi sülhə səsləyən, açıq səma altında azad, sülh və əmin-amanlıq şəraitində yaşamaq istəyən uşaqların Sülh Gününə həsr olunan rəsm sərgisi təqdim edilib.
Sonda rəsm dərnəyinin rəhbəri Könül Qədirova gənc rəssamları təbrik edib, Mədəniyyət evinin fəxri fərman və hədiyyələrini təqdim edib.
Xəbərdən istifadə edərkən istinad etmək vacibdir.
