Martın 4-ü 2015-ci il ildə QAC Sumqayıt şəhər bölməsi və Sumqayıt şəhər Təhsil şöbəsinin təşkilatçılığı ilə Sumqayıt şəhər Uşaq və Yeniyetmələrin Yaradıcılıq mərkəzində Azərbaycan Qızıl Aypara Cəmiyyətinin 95 illik yubileyinə həsr olunmuş "Humanizm naminə” rəsm müsabiqəsi keçirilmişdir. Müsabiqəyə Sumqayıt şəhərinin məktəb şagirdləri, "Uşaq və Yeniyetmələrin Yaradıcılıq mərkəzi”nin və "Ekoloji Tərbiyə və Təcrübəçilik mərkəzi”nin rəsm dərnəyinin tələbələri öz əl işlərini təqdim etmişdilər. Tədbirdə Sumqayıt şəhər İcra Başçının müavini – İctimai-siyasi və humanitar məsələlər şöbəsinin müdiri Elgin Həbibullayev, Uşaq və Yeniyetmələrin Yaradıcılıq mərkəzinin direktoru Əntiqə Rzayeva iştirak edirdi. Sərgiyə baxdıqdan sonra giriş sözü ilə tədbiri açıq elan edən QAC Sumqayıt şəhər bölməsinin sədri Mətanət Məhərrəmova sərginin məqsədini izah etmişdir. Daha sonra çıxış edən İcra Başçısının müavini Elgin Həbibullayev Heydər Əliyev fondunun prezidenti Mehriban xanım Əliyevanın uşaqlara diqqət və qayğısı haqqında söhbət açdı, fondun Sumqayıt şəhərində də gənclərlə bağlı çox saylı işlər gördüyünü bildirdi. AzQAC-ın 95 illik münasibətilə keçirilən rəsm müsabiqəsinin uşaqlara humanizm, vətənə sevgi duyğularının aşıladığını bildirdi. Çıxışının sonunda Elgin Həbibullayev uşaqlara daha böyük yaradıcılıq uğurları arzuladı.
Əvvəlcədən elan olunmuş müsabiqə şərtlərinə əsasən qəbul olunmuş əl işləri müsabiqənin münsiflər heyyəti tərəfindən seçilmiş, 1 nəfər I yer, 2 nəfər II yer, 3 nəfər III yer, 3 nəfər IV yerlə qiymətləndirilmiş, müsabiqə iştirakçıları diplomlar və hədiyyələrlə mükafatlandırılmışdır. Ümumilikdə 87 işdən 9 nəfərə diplom 78 nəfərə iştiraka görə sertifikat təqdim olunmuşdur. Sonda xatirə şəkilləri çəkdirildi. (azpress.az) |
