Sumqayıt Regional Mədəniyyət İdarəsinə tabeli Nəriman Nərimanov adına Mədəniyyət Mərkəzində Azərbaycan Dövlət Mədəniyyət və İncəsənət Universitetinin 1984-cü il "Dram və kino aktyorluğu" fakültəsinin sayılıb-seçilən aktyorları ilə "Ələ düşməz, bir də o günlər” adlı musiqili görüş keçirilib. Görüşdə Respublikanın Xalq artistlərindən Vidadi Həsənov, Naibə Allahverdiyeva, Əməkdar artistlərdən Füzuli Hüseynov, Nahidə Orucova, Fəranə Musayeva, Hacı Hacıyev, Alman-Azərbaycan Ziyalıları Birliyinin sədri, Sənətşünaslıq üzrə fəlsəfə doktoru Naibə Tural, QHT-nın "Doğma yurda qayıdış” İctimai Birliyinin sədri, aktyor Səməd Hətəmov, Sədaqət Abbasova, Dürdanə Kərimova, Natavan Hacıyeva, İlham Məmmədov, Həqiqət Əliyeva və "Əqliyar” musiqi qrupu iştirak ediblər. Tədbiri Respublikanın Əməkdar artisti Cəlal Məmmədov idarə edib. Tamaşaçılarla isti ünsiyyət yaradan aktyorlar şeirlər, monoloqlar söyləyib, səhnəciklər təqdim edib və verilən sualları cavablandırıblar.
Xəbərdən istifadə edərkən istinad etmək vacibdir.
