Sumqayıt Dövlət Dram Teatrında növbəti premyera gerçəkləşib.
Xeberle.com-un məlumatına görə, yaradıcı heyət bu dəfə dahi Üzeyir Hacıbəyova müraciət edib. Respublikanın Əməkdar artisti Namis Şirməmmədov məşhur "O olmasın, bu olsun" iki hissəli operettasına quruluş verib.
Premyeraya Milli Məclisin deputatı Müşfiq Məmmədli, YAP İdarə heyətinin üzvü, partiyanın Sumqayıt şəhər təşkilatının sədri, professor Ramiz Hüseynov, şəhər Ağsaqqallar Şurasının sədri, Əməkdar mühəndis Təbrik Quliyev, Sumqayıtın ədəbi cameəsi, yaradıcılıq təşkilatlarının rəhbərləri və ziyalılar tamaşa edib.
Qeyd edək ki, tamaşada obrazları Əməkdar artist İlahə Səfərova, aktyorlar Habil Xanlarov, Şəhla Məmmədova, Elay Xasıyev, İlham Səfərli, Yalçın Səlimov, Dağlar Rüstəmov, Rövşən Əsgərov, Ceyhun Məhərrəmov, Elmir Mehdiyev, Cavanşir Eyyubzadə, Ramazan Xanlarov, İlqar İbrahimov, Füzuli Qərənlizadə, Etibar Əmirov, Orxan Firudinov və başqaları canlandırıblar.
Xəbərdən istifadə edərkən istinad etmək vacibdir.
