Sumqayıt Regional Mədəniyyət İdarəsinə tabeli Nəriman Nərimanov adına Mədəniyyət Mərkəzinin Şəhər Mədəniyyət evinin "Veteranlar” xalq xoru Azərbaycan Respublikası Rus Mədəniyyət Mərkəzinin təşəbbüsü ilə XVI Respublika Rus Xalq mahnıları və rəqsləri üzrə keçirilən "Rodniki duşi” festivalında çıxış ediblər. İfa etdikləri "Stayu na polustanoçke” mahnısına görə xorun üzvləri Respublika üzrə II yerə layiq görülüblər. Mədəniyyət evinin direktoru Elnarə Rəşidova "Diplom”la, xorun konsertmeysteri Turanə Vəliyeva "Qramato”, xorun üzvləri isə pul mükafatı ilə təltif olunublar. Festivalda Azərbaycanın Millət Vəkili, Azərbaycanın Rus İcmasının rəhbəri Mixail Zabelin, xalq artisti Natəvan Şeyxova, mədəniyyət işçiləri iştirak ediblər.
Xəbərdən istifadə edərkən istinad etmək vacibdir.
