Sumqayıt Regional Mədəniyyət İdarəsinə tabeli Qubadlı rayon F.Hüseynov adına Mahmudlu kənd Uşaq Musiqi Məktəbində "Şuşa ili”nə həsr olunan ”Əziz Şuşa, sən azadsan” adlı konsert keçirilib. Konsertdə Sumqayıt Regional Mədəniyyət İdarəsinin rəisi Rəşad Əliyev, Musiqi Kollecinin direktoru Səbinə Mehdiyeva, uşaq musiqi və incəsənət məktəblərinin direktorları iştirak ediblər. Konsertdə müxtəlif ixtisaslar üzrə təhsil alan şagirdlər Qara Qarayevin "Vals”, A.Petrovun "Vals”, "Azərbaycan ritmləri”, Arif Məlikovun "Qızların rəqsi”, Bəhram Nəsibovun "Qarabağ”, Ələkbər Tağıyevin "Azərbaycan", Xan Şuşinskinin ”Şuşanın dağları”, Tərlan Məmmədhüseynov və Elçin Cəfərovun ”Zəfər mahnısı”, məktəbin xor kollektivinin ifasında "Xoşbəxt olsun uşaqlar” əsərlərini səsləndiriblər. Konsert proqramı tamaşaçılarda xoş əhval-ruhiyyə yaradıb.
Xəbərdən istifadə edərkən istinad etmək vacibdir.
