Lənkəranda iki nəfər dənizdə çimərkən batıb.
Xeberle.com-un Apa-ya istinadən məlumatına görə, onlardan birinin meyiti sudan çıxarılsa da, digərinin axtarışları davam edir.
Hadisə rayon ərazisində qeydə alınıb. Dənizdə boğulanlardan biri - rayon sakini, 1995-ci il təvəllüdlü Şəmsəddin Rahim oğlu Aslanovun meyiti FHN-in Dövlət Sularda Xilasetmə Xidmətinin dalğıc-xilasediciləri tərəfindən sudan çıxarılaraq müayinə olunmaq üçün aidiyyəti üzrə təhvil verilib.
Dənizdə batan digər rayon sakini, Ruhid Əzizağa oğlu Babazadənin axtarışları isə davam etdirilir.