Lerikdə 15 yaşlı qızla cinsi əlaqədə olan və onu hamilə qoyan müəllimin bir il müddətinə həbs olunması sosial şəbəkələrdə ciddi etiraza səbəb olub.
Xeberle.com xəbər verir ki, məsələ ilə bağlı unikal.org-a açıqlama verən Lerik Rayon Məhkəməsinin Baş məsləhətçisi Anar Məmmədov bildirib ki, 60 yaşlı Şəfahət Məmmədov 1 il azadlıqdan məhrum edilib:
"Ş.Məmmədov Cinayət Məcəlləsinin 152.1-ci (On altı yaşına çatmayan şəxslə cinsi əlaqədə olma) maddəsi ilə ittiham olunub. Həmin maddənin sanksiyasında 3 ilədək azadlıqdan məhrumetmə nəzərdə tutulur. Lerik rayon məhkəməsinin hakimi və sədri Atabəy Kiçibəyovun rəhbərliyi ilə baş tutan məhkəmə prosesində Məmmədova 1 il həbs cəzası verilib. Burada nə problem var ki? Azyaşlının valideynləri təqsirləndirilən şəxslə barışmayıblar. Şikayətlərini geri götürsələr, onlar yəqin ki, barışar və ona digər yüngül cəza verilərdi".
Xəbərdən istifadə edərkən istinad etmək vacibdir.
