Azərbaycan
Respublikası Dövlət Arxivinin Şirvan filialında şəxsi mənşəli fondların
yaradılması işinin davamı olaraq görkəmli
ictimai-siyasi və incəsənət xadimləri ilə görüşlər, onların sənədlərinin şəxsi
mənşəli fond olaraq dövlət mühafizəsinə qəbulu işinə başlanılıb. Dövlət
Arxivinin Şirvan filialında şəxsi mənşəli fondu yaradılan ilk ziyalı Azərbaycan
Respublikası Təhsil İnstitutunun elmi katibi və institun orqanı olan "Elmi əsərlər”in
baş redaktoru, Bakı Qızlar Universitetinin "Elmi əsərlər”inin baş redaktor
müavini, Azərbaycan Jurnalistlər və Yazıçılar birliklərinin üzvü professor Akif
Nurağa oğlu Abbasov olub. Akif Abbasov
elmi və bədii yaradıcılığına aid sənədlərini Şirvan filialına təqdim edib.
O 1950-ci ildə Əli
Bayramlı (hazırda Şirvan)şəhərində anadan olub.
M.F.Axundov adına Azərbaycan
Pedoqoji Dillər institutunun (hazırda Azərbaycan
Dillər Universiteti) ingilis-azərbaycan
dilləri fakultəsini bitirmiş Akif Abbasov
5 romanın, ("Samsundan başlanan yol”,”Aldanma sözlərə”, "Acı xatirələr”,
"Sultan II Murad”, "Fateh Sultan Məhmət”), 3 povestin("Yaxşı yoldaş”, "Ananın qəlbinə
gedən yol”, "Əliş və Anna dastanı”), 2 pyesin ("Atatürk”, "Yaxşı dost”) və bir
çox hekayə kitablarının müəllifidir. Bundan əlavə ilk dəfə "İngiliscə-azərbaycanca
pedoqoji-psixoloji lüğət ” və "Azərbaycanca-ingiliscə pedoqoji –psixoloji
terminlər lüğəti”nin müəllifidir.
Onun elmi rəhbərliyi
ilə 40-a yaxın elmlər doktoru və fəlsəfə doktoru yetişib. Akif Abbasov
yaradıcılığını sadalamaqla bitməz. Bu gündən onun sənədləri ARDA Şirvan filialında 436 №li fondda mühafizə
olunacaq.
Azərbaycan
Respublikası Dövlət Arxivi Şirvan filialının direktor vəzifəsini müvəqqəti icra
edən Nəsibə xanım Məmmədova filialda şəxsi mənşəli fondların yaradılmasının
davam etdiyini bildirib.
Xəbərdən istifadə edərkən istinad etmək vacibdir.
