TƏBİB-in tabeliyində olan Sumqayıt Tibb Mərkəzinin (STM) 1 nömrəli Şəhər Xəstəxanasında laborator analizlərdəki yeniliklər və analizlərin rasional qaydada seçilməsinin təkmilləşdirilməsi məqsədilə təşkil olunan silsilə seminarlar çərçivəsində növbəti seminar keçirilib.
Xeberle.com xəbər verir ki, tibb müəssisələrinin ixtisas həkimlərinin qatıldığı seminarda mütəxəssis, infeksionist-hepatoloq Vüsalə Yaşar "Viral hepatitlərin laborator diaqnostikası” mövzusunda təqdimatla çıxış edib. O, bu sahədə olan yenilikləri seminar iştirakçılarının diqqətinə çatdırıb.
Qarşılıqlı fikir mübadiləsi şəraitində keçən seminarda həkimləri maraqlandıran suallar cavablandırılıb.
Qeyd edək ki, seminarlar TƏBİB-in laboratoriya işçi qrupu, Sumqayıt Tibb Mərkəzi və AZKLMİB-in birgə təşkilatçılığı ilə keçirilir.
Xəbərdən istifadə edərkən istinad etmək vacibdir.
