Autizm müasir dövrün hələ də səbəbi bilinməyən bir sindromudur. Çoxları bunu xəstəlik adlandırsa da, sağalma ehtimalı 80% olduğundan bütün dünyada bu sindrom adlanır. Autizm üç yaşından əvvəl başlayan, ictimai qarşlılıqlı təsirə və ünsiyyətə zərər verən, məhdud və təkrarlanan davranışlara gətirib çıxaran beyinin inkişafına maneə törədən bir sindromdur. Araşdırmalara görə hər min adamdaN 6 nəfər və daha çox oğlan uşaqlarında rast gəlinən bu sindromun daşıyıcılarının sayı  ölkəmizdə təxmini hesablamalara görə 3 min nəfərdir. Autizmin ilk əlamətləri uşağın 3 ayında üzə çıxmağa başlayır. 3 ayında olan adi uşaq tanış adamları, xüsusilə ananı, görəndə sevinir, gülümsəyir. Autizmi olan uşaq isə heç kimi tanımır, gülümsəmir. Mütəxisilər deyir ki, Sağlam uşaq ananın qucağında olduqda, anaya sıxılır, autizmi olan uşaq isə əksinə belini əyir və ana onu sinəsinə sıxa bilmir.

Mütəzəssis Aytən Zeynalova: "Autizmin simptomları ondan ibarətdir ki, bir uşaq sizinlə göz kontaktı qurmursa, adını çağıranda reaksiya vermirsə, əşyalarla uzun müddətli oynuyursa, ortaq diqqəti yoxdursa, nitqində problem varsa deməli bu uşaqda autizm əlamətlərinin olmasından şübhələnmək olar.

Aprel ayı bütün dünyada autizm sindromlu insanların ayı kimi qeyd olunur. Dünyada yetərincə tanınan bu sindromun adı nədənsə ölkəmizdə son iki-üç ildə çəkilməyə başlayıb. Milli Məclisdə keçirilən dinləmələr zamanı məlum olub ki, bu gün də sindromla dünyaya gələn uşaqları şizofreniya xəstəliyi ilə səhv salırlar, hətta səhv diaqnoz qoyanalr da var. Halbuki, bu sindroma erkən müdaxilə olunarsa  80% müalicə olunma ehtimalı var.”

Autizam sindromu haqqında geniş məlumatı izləmək üçün "Həftə sonu” verilişindən olan süjeti təqdim edirik:
(atv.az)